القائمة الرئيسية

الصفحات

السجل العدلي عن طريق الأنترنيت

من الخدمات القضائية لجربتها هو طلب السجل العدلي عبر موقع الشباك الالكتروني لمخصينوا لهاد الغرض .. قلت نجرب هاد "التخربيق"  .. المهم جربت و درت طلب مع "السحور" و عمرت المعلومات الشخصية بالعربية و كيعطوك تختار آشمن محكمة بغيتي تاخذ السجل العدلي .. و كيعطوك في الآخير رقم الطلب لتتبع الطلب فين واصل .. و اليوم جربت هادشي و الصراحة "تصدمت" من شي حاجة لخاصها تكون عادية و لا تستدعي الاندهاش من الدقة في التفاصيل لتتبع الطلب، و في ظرف ساعتين تسينا و وجد ! فاش كتبغي تجيب السجل العدلي كتقيد معاك رقم الطلب و كتديه معاك مع تمبر 10 دراهم أو 20 درهم حيث هو لموجود و لاكارط و كتمشي المحكمة فين طلبتي بغيتيه يكون .. ملي مشيت كانت الأمور سلسة واخا ترديت شي جوج مرات ولكن كون طالعت على شي مقال بحال ما هوكدا كاع منترد واحد المرة على تامبر أو واحد المرة على الوقت، حينت تتبدا المحكمة دإنزكان خدامة من 09 دصباح تال 14:30 تقريبا لذلك خودوا هاد العامل فالحسبان ديالكم...

 بغيت نأكد ليكم ما سبق لذكرته بخصوص السجل العدلي و التسجيل عبر الشباك الالكتروني و سحبه من المحكمة لختاريتي  ..
و نذكركم بهاد الحوايج لموهمين و لخاصكم ديروهم :
  • كتدخل معلوماتك الشخصية و تيليشارجي صور لاكارط ناسيونال و تختار المحكمة لقريبة ليك في أي مدينة و تاخد "رقم" باش تبع الطلب ديالك.
  • مني كتتبع الطلب و كيخرج ليك فين وصل و كتلقا في الوضع "جاهز للتسليم"، هز معاك فوطوكوبي لاكارط و تمبر 10 أو 20 درهم و سير مكتب السجل العدلي بالمحكمة فين تسحبه .. بلاصة ملاحظات دايرين ليك توجه إلى "المحكمة كذا" ايلا كليكيتي عليها كيعطيك Google map فين جات.
  • ممكن تسحبه من أي مدينة، نتا ولد تزنيت يمكن ليك تسحبه من إبتدائية إنزكان كما درت أنا .. أو لكنتي نتا في كلميم يمكن ليك تسحبه من خريبكة .. شوف الاختيارات المتاحة في المحاكم لكيعطوك في الموقع و اختار الأقرب ليك .. مبقاتش ديك القضية خصك تسحبوا من مكان الازدياد .. الطلب ديالك كيمشي لمكان الازدياد ديالك في السيستم كيقادوه ليك و المحكمة لقريب منها كتخرجوا ليك و يكاشيو ليك على التمبر صافي.
  • تأكد فين وصل الطلب عاد سير ليقولوا ليك سير وأجي أو متنساش معاك فوطوطوبي لكارت أو تامبر 10 درهم ..
إلا ديجا جربتي تخدم بالتطبيق ديال هاد الخدمة فالهاتف فمتنساش أنك تعاود لينا فالتعليقات



الخدمة في الرابط أسفله

تعليقات

التنقل السريع